زواج تقليدي

جزء سابع

و انا كانسمع فيهم مت بضحك كون إعرفو مع من جا إيتصدموا بل معقول هوا صراحا دوك لبنات تيتيزات و مقادات دوك دراري ليكانوا من صباح و هوما كاي يطلبوا فيهم إعطيوهم لوقت و ماشي غي هوما دراري ليكاينين هنا دواو معاهم ولكن هما دافعين كبير بصيف مالهم انا ؛ انا هاكا غليضة و قصيرة بفف بفف . شافني و جا 

هشام: مالكي ساكت و نتي ماكتسكتيش 

نور:مابغيتش ندوي معاك عندك شي مانع

هشام: لا ، يكما بغيتي نجيب ليك بنت تجمعي معاها

نور: كيفاش

و دار كاي شوف فدوك لبنات و هوا يبتاسم ليهم وفرحوا عجبهم لحال قلت ليكم حاس براسوا تفو ودار شاف فيا 

نور(بإبتسامة):سير عندهم اش كتسنا 

مزال مكملتش هضرتي وحنا نسمعوا وحدا من لبنات قالت: ميمكنش تكون صاحبتوا شو كيدايرا لاعلاقة وغليضة

جاوباتها وحدة:داك زين كامل إكون معا وحدة بحال هاديك نونونونو.

انا تمنيت لارض تشق وتصرطني يخ واخة عارفة هاد لهضرة محملتش إسمعها يخ يخ وهيا تصوني ديك لخريا و مشا يهبط إجيب مانجغددو و دوك لبنات يدويو و يشوفوا فيا تفو كرهت راسي . ها صعصع جاي 

هشام:ها مكلتك 

نور:شكرا (كندوي بزز)

كلينا فاواحد لجوو تفو مكهرب كولشي كاي شوف مكليتش على خاطري بمرا 

هشام:مشينا 

نور:اه 

طلعنا و انا نقول ليه عفاك بغيت نمشي لدارنا

هشام:مابقيتيش باغا ماك فلوري 

نور:لا بغيت نمشي لدارنا عفاك 

هشام:ؤكي

مشينا وصلنا

نور:بسلامة باي باي 

ماجوبنيش و مشا متسناش حتى نطلع مع دروج تفو ، دخلت لدار 

ماما:هاي هاي على دايعة مجايا حتى 12دليل معمرك خرجتي نهار خرجتي ونتي ضسري 

نور(كنحاول مانبين والو باش ماي تقلقوش): إوا شنو نتووما ليبغيتوني نخرج 

بابا:تفرقي على لبنت 

نور:سمعتي يلاه احبي تشاو راني قارية صباح

ماما:إمتى وليتي كاتمشي لافاك يا لكاسولة

نور:من ليوما ههه راه زعما قربوا ليمتحانات خاصني نمشي نجيب دروس احبيبة يلاه تصبحي على خير 

ماما:وانت من اهلو

نور:فين دراري شت دار صاقلا 

ماما:نعسوا تصحابيوم بحالك

نور:وآآ بآاز

انا مشيت لبيتي 

ماما:إمتى انقولوا لحقيقة لنور مامولفينش نخبيو عليها

بابا:حتى انا بغيت نقول ليها باش مايصحابش ليها بغينا نزوجوها باش نتهناو منها 

ماما:إوا 

بابا:سي مراد بغا يقولها ليهم هوا 

عند هشام

هاد درية فشي شكل معمرني تلاقيت بوحدة بحالها مابغاتش تخرج ليا من بالي وشنو قالت قالت خويا انا خوها واخا دب نوريها خوها كيداير و زايداها بحلان لفم وجماعة مع اشرف ضسارات هادي ، اويلي مالي انا اش كان نقول هشام جمع راسك غي نهار باش دويتي معاها و ماشي ستيل ديالك . إمتى هاد شارف غايصفط ليا سميا صربي غي نلقاها ونخرج من لعبتك اسي مراد و ديك ساعة شوف شكون تزوج و فشكون تحكم. ها هيا جات حنان بناني وآخيرا عرفت سميت ماما بلاتي نصفطها لإيمان. الله على راحة .

دخلت دوشت خرجت لقيت إيمان مصونيا 14مرة و انا نصوني

هشام:الووو الوووو 

إيمان: اهئ اهئ اهئ اهئ 

هشام:مالكي 

إيمان:مالك بارد معايا نتا عارف شحال كانبغيك مني كنا صغار علاش كادفعني انا ماطلبت منك والو مقلتش ليك تزوجني ولا بغيني انا طلبت منك تخليني نبغيك خليني نتقرب منك و نتا ديك ساعة غتبغيني بلا ماتحس اهئ اهئ 

هشام: إيمان شربتي بزاف سيري لدار شدي تاكسي ماتسوقيش 

و انا نقطع عارفكم كاتسولوا انا نشرح ليكوم ،إيمان واخا تزادت فمغريب والكن مها و بها طلقوا مني كانت صغيرة ومها تزوجات ببريطاني ومشات معاها تما فين تعرفنا و بقينا اصدقاء و هي كانت كاتبغيني من صغر هيا كانت خدامة فشرطة بريطانية ولكن خرجات و جات لمغريب و كاتعرف واحم مجهد كاي لقا ناس واخة مع الاسف ماعمروا لقا ماما كنتمنى نلقها دب

 

زواج تقليدي

جزء سادس

نور: باي باي اشرف حتى نتلقاو من بعد 

اشرف: اجي بعدا قبل ماتمشي عطيني نمرتك باش نكملو لهضرة

هشام بغا يطرطق شدني من يدي مخلنيش نجاوب  اشرف و جرني بني و بينكم احسن حاجة دار من صباح حتاش مابغيتش نعطيه نمرتي لحمد الله 

نور:ايييييي يدي يدي ابنادم واش نتا بنادم ولا واحش ابشويا انتبعك وآ بنادم وا مريكان 

حل لباب و دفعني داخل طموبيل وانا ندرب يدي وانا نتوعت بزاف وانا نجعر عليه بلمعقول اخا كانبكي فنفس لوقت ماتصدموش ياك قلت ليكم بلي راني بكايا 

نور:اهئ اهئ نتا واحد لإنسان مكلخ و متكبر اهئ اهئ آش كتصحاب فراسك ياك مانتا ليمصور فدرهم و مافخباريش اشريف جمع راسك معايا و زايدون انا ماغداش معاك ليعندو شطريق اسيدي يشدها 

هشام(بكل برودة):ساليتي 

وهوا يضمري طموبيل و انا نحل لباب إلا كان باغي زكير انا مو 

هشام:مني تهبطي سدي معاك لباب غا بشوية ماتبرديش فيه غدايدك.

وانا نهبط و بقيت كانتمشى و كاندوي معا راسي 

حمار كلب موسخ حقير واش منيتو اول مرة نركب معا شي دري ف طموبيل و شوف شنو وقعليا باش تعرفو زهر كيداير اي يدي والله حتى كادرني حمد الله وصلت لبلاكة ديال طوبيس وانا نهز تريكو نشوف يدي واك واك زراقت اش غدي نقول لواليديا مني شفوها شحال قدني ما نخبيها لا لا لا خاصني شي حل وانا نمشي لصيدالية و انا ندخل 

نور:عفاكي اخالتي شي بومادا لزروقية تكون تحيدها دغية 

لمرا:ياك لاباس ابنتي ياكما طحتي 

نور:اه اخالتي و تقسحت 

لمرا:هاكي هادي دهنيها جوج لمرات فنهار 3يام ويكون خير 

نور:إن شاء الله شكرا بشحال ا خالتي 

لمرا:72 درهم

هشام:هاكي 

نور:اويلي اش كادير هنا لا خالتي هاكي شكرا خويا هشام ربي خليك

لمرا:ههههههه دب غا قولو ليا من عدمن نشد 

هشام: انا الالة 

شدني من يدي وزير عليا زعما دوي نهرسك تفوووو حمار ، مهم خلص وحنا نخرجو 

نور: اش جابك كنتي تابعني لاش ياك تابعني ياك قلتي لي سدي لباب موراك 

هشام:واش ماكدريش نقطة و لفاصلة فهدرتك 

نور:هاكا كاندوي امسيو و إلا معجبك لحال زدح راسك معا لحيط سمعتي يلاه باي باي 

هشام:تحل ليك لفم 

و انا نقز نور:علاه فين كان مسدود 

هشام:شوفي شتك ضسرتي والله وماتسكتي يا حتى نوض ليك ا فليفلة و شنو قلتي قبيلا خوك انا خوك

نور:اه خويا 

قرب ليا بزاف وقالي فودني

هشام:على خوك كاينعس معاك احبيبة ديالي

و انا ندفعو 

نور:شنو قلتي حتارم راسك ابنادم 

هشام:يلاه باباك كاي تسنا فيك يالاه نوصلك

نور:لا ماغداش معاك سير إلا بغيتي تمشي 

و هوا يخنزر فيا واحد تخنزيرة كون كانوا عينيه قرطاس كون قتلني و معا ختكم واخ لفم خوافة طلعت و انا نصقل و انا نطلع تريكو باش ندهن لبومادا بعدا و انا كاندهن فيها حسيت بيه كايشوف فيا واحد شويا و بدات كرشي داكشي ليبقا خاص غاكرشي تزغت وراه ماكليناش فين غايخليك هاد بنادم تاكلي و هوا دار شاف فيا و انا ندور نشوف فلحيط ، و انا كنشوف حتا كان نشوف ماكدوا فرحت ولكن معا فيا لموت جوع قلت ليه بلا حية بلا حشمة

نور: عافاك طاكوس ماكدو ماكاي شبعنيش غا كاي يهرني 

مسكين تصدم و هوا يبدا يدحك بلا مايحس و انا نكمل هضرتي 

نور: و إيلا بغيتي نرجعو ناخدوا ماك فلوري مني ناكلو

هشام:مشات لخلعة

نور:لخلعة اشمن خلعة ، منك (و انا نشير ليه بصبعي) من نيتك اخويا

وهوا يوقف ضرب واحد لفران و دار عندي

هشام: بربي و تعاودي تقولي ليا خويا حتى ندمك

نور:اش فجهدك مادير

وهوا يقرب ليا حتى كانحس بآنفاسوا ف وجهي و مشا لودني وقالي : مانحتاج دب نشرح ليك راكي فهمتي 

و انا نولي حمرآآآآآآا و انا نجاوبو : مابغيتش ناكل بغيت نمشي لدار

هشام:لا اناكلوا

انا مادويتش باقي انا فمي ديال لهريس انا لي كان نقلب عليها من صباح ولكن هادشي بزاف على نهار اوو ؤ مابغاش إتفهم ليا و اول مرة كنعرفو ياكما حمق و بغا باه إزوجو لا لا هادي ديالتي انا ، انا لحمقة و بغاو إزوجوني 

مهم وصلنا لطاكوس ويي ويي لولولوي لفرحة اخوتي لفرحة ، ناري عامر هاد لمرد كولشي خارج ليوما ولا كيفاش ياك جمعة ليوما ماشي سبت ماعلينا مشا هوا يطلب و انا مشيت نقلب فنجلس ، جلست فواحد لبلاصة زوينة لفوق وكان عامر بلبنات قليلين دراري وهوا يطلع كاي يقلب عليا على مايوجد داكشي و انا نسمع لبنات تاي يقولوا

بنت1:ناري ناري على تيتيز

بنت2:واش هادشي ديلنا مغريبي زعما مايمكنش

بنت3: احم احم تقادوا باش طيحوا شي وحدا فينا لحمد الله جينا مقادين

بنت4:إعلم الله صاحبتوا كيدايرا

بنت2:مالكي يا ختي مالكي يا ربي مايكونش مصاحب

بنت1:واخا يكون مصاحب ناخدوه مالكي 

بنت3:ياربي يكون جا معا صحابوا

                               

  زواج تقليدي 

جزء الخامس

نور:واش من نيتك اصاحبي

هشام:انا مشي صاحبك

نور:و ماشي راجلي 

هشام:شتك عاجبك لحال مني كنتي كدوي معاه

نور:سوقك نتا اش كات صحابلك نتا راسك من قبيلا و نتا منفخ ياكما تيقتي راسك 

قرب ليا حتا لصقت معا لحيط 

هشام:تزيدي كلمة منضمنش ليك شنو ندير ليك

و انا نسقل بمرا نفس ماكنطلعهاش ناري فاش كاي تعصب واي واي عرقوا كايبغيو يخرجو من بلايصهم من عنقو و يدو، حتى لمكلة مكليناهاش و مشينا انا كاي سحابلي انمشي لداري حتا وقفنا قدام واحد ل فيلا زوينة وهيا تحل لينا واحد لبنت اية فلجمال و لطاي بففف 

بنت:هشآآآم توحشتك بزآاف (وهيا تلاح عليه بواحد تعنيقة تقول 20 عام ماشفتوش)

هشام:حتا انا آزين

بنت:سلام حبيبة انا إيمان(مدات ليا صبعان)

نور:انا نور

إيمان:معمرني قلت اتجي لمغريب اهشام

هشام:حتا انا ماعمري قلتها

ايمان: يوا اش جابك احبيبي و بلا ماتجي تشوفني

هشام شاف فيا واحد شوفة تقول انا ليجيباه تفوو ،و هيا تجي لخدامة وهيا تحط واحد لقرعة و شي كيسان و لحلوة و شي تخربيق و ديك لقرعة ديال شراب صدمتني اش جابت لعاصير . علاش انتصدم دري كبر و تزاد فبريطانيا عادي يكون كاي يشرب اش إصحابلي .

و هيا تكب لخدامة كاس واحد دشراب و عتاتو لإيمان وعطات لهشام لعاصير انا مابقيت فاهما والو فهاد شي و هوما يتشاوفو و نادو خلاوني بوحدي تعصبت مزيان بقوت تانشوف فيهم حتا مبقاوش كاي بانو ليا جاتني لبكيا و حيتاش انا ماشي مني لعاقزين تلقتها . حتا كان نحس بيد فوق كتفي و يد مادالي كلينكس و انا ندور واحد دري زوييين فايتا شيفاه لوهم هوا ماطويلش بزاف و بيض عينيه قهوين و حتا هوا صحيح .

دري:مالكي ياك لباس

نور(بخوف) :ولو باس سمحليا و شكرا

دري:علاش انسمح ليك شنو درتي ليا

نور:مادرت ليك ولو ههه

دري:ضحكت زوينة علاش كاتبكي نتي قاع ماخصك تبكي خاصكي تضحكي ديما باش ناس إشوفوا ضحتك لغزالة.

انا بقيت مصدومة معرفتش شنو نديرو انا نقول ليه شكرا

دري:انا سميتي اشرف و نتي

نور:نور

اشرف:متشرفين وجهك مغريبش عليا 

نور:اه حتا انا ياكما قريتي معايا 

اشرف:ممكن فين كاتقاري ولا فين قريتي

نور:دب لافاك و كنت كانقرا فالقلم 

اشرف:إوا صافي ف القلم حتا انا قريت فيها

نور:بصح وآاو (وانا نفرح و اخيرا شي حد ندوي معاه)

اشرف:صدفة زوينة بزاف 

عند هشام؛

إيمان:شتك ساخط مالك

هشام:بغيتك فواحد لغراض 

إيمان:على راس و لعين ، قول ليا باقا حد لآن كاتنسا لجواب ديالك

هشام(تايدوي من تحت لسانوا):ايمان دويت معاك ،لعشية ان نصيفط ليك واحد سمية و قلبي عليها فين كاينة و اش كادير بغيت نعرف كوولشييي 

ايمان:واخة كون علاخطرك ، مقلتيش ليا علاش جيتي 

هشام بلا جاواب مشا وخلاها

معا دخلة كاتبان ليا درية مجمعة و كاضحك معا راسها معا زامل د اشرف

هشام:ضحكوا معا راسكم

اشرف:هشام اش كادير هنا 

هشام(ماكيشوفش فيه ):يلها الالة شتك عاجبك لحال

 

زواج تقليدي

جزء رابع

عند لبطلة ؛

وصلات 16 كنت خايفة و متوترة معرفتش علاش هبطت لقيتو كاي تسناني فواحد وامي وامي اجي تشوفي طموبيل ليغنركب فيها يا ربي مانكونش كانحلم يا ربي مازيراتي كحلة واي واي واي 

منزلش منها إخ حاس براسوا تفوا. طلعت جلست طريق كلها هوا ساكت انا ماكنحملش هاد لجو و انا نطق وياليتني منطقت؛

نور:علاش مقديتيش ترفض هاد زواج 

هشام: علاش باك بغا يزوجك

نور:ا ا ا ا ا و انا نسكت

يخ يا قلت ليكم حاس براسو و منفخ دازت 2Oدق و حنا نوصلوا لواحد لبلاصة وآاو ماعمرني عرفت واش كاينا شي بلاصة بحال هاكا مطعم وسط طبيعة مشينا جلسنا فواحد لبلاصة معزوولة كاتكون بلحجز إوا جلسنا و تاحد مكايدوي

فينا هوا شاد تيليفونوا و كايدوي معا صاحبوا انا فهمت كولشي واخا بالانجليزية ختكم مجهدا؛ و انا نسمع ضحك دراري صغار مورا شجر و انا نوض نطل من وسط شجر و انا نشوف لوعاب ههههههه و كاينة زعلولة ياحليلي يالاه بغيت نمشي عندهم ؤ هوا يجي سرباي جايب لمكلة و تبعو واحد آخر حتا هوا جايب لماكلة مشاو و جاوعوتاني 

نور: ولكن انا ماطلبت والو

هشام:انا لي طلبت قبل مانجيو علاش عندك شي موشكيل 

نور: لا ابدا

هوا يبدا ياكل 

نور(فخطرها) :حمار كلب تفووو علا بنادم ياكل سم انشاء الله ماعجبينش هادشي ليدار اش كاي سحاب فراسوا يخ 

نور:سمحليا انمشي لطواليت

هشام هز راسوا شاف فيا نص شوفة وعاود هبطوا؛ و انا نمشي لطواليت و بغا نطرطق غا انا و راسي . ومني كنت راجعا بنوا ليا دراري صغار  و انا نمشي عندهم كانلعب معاهم نسيت راسي.

عند هشام؛

وصلنا لمطعم و جلسنا براصتنا ؤهوا يصوني عليا صحبي خدام معايا  

لحوار بالانجليزية؛

إدورد:وا فين اصحبي لاباس عليك

هشام: لباس و نتا كيغدي معا لخدمة بانت بلاصتي 

إدورد:وايه اصحبي و بزاف احنا كانحولوا نخدموا مزيان باش ماتجيش تغوت علينا ا رئيس 

هشام:كانتيق فيك ا صحيبي غير نسالي هاد لحريرة ليعندي ونجي 

إدوارد:اشمن حريرة

هشام:حتا من بعد و نقول ليك بسلامة

مني قطعت شفت نور كطل مابين شجر و كاضحك و هيا تجي لماكلة مني جات لماكلة ماعجبهاش لحال بمرا و هيا تمشي لطاوليت مشات و تعطلات بزاف اووو هادي مالها علا هاد تعطيلا نضت نشوف فين تعطلات وا نا نلقاها كاتلعب معا دراري صغار هيا وسطهم و هوما دايرين بيها و كاتنقز و كاتجري حتا طاح ليها زيف من راسها (كاندير لحجاب) وهيا تمشي لواحد لقنت تصاوبو ؤوقف عليها واحد خاينا كايدوي معاها محسيتش براسي حتا وقفت عليهم

هشام:كاين مانقديو

سيد:لا علاش شكون نتا

هشام:راجلها(ماعرفتش علاش قلتها محسيتش براسي)

سيد: اه سمحليا انا أستاد ديلها دسوايع كنت غي كنسولها علاش ماجاتش هاد ليام

هشام:آه مكانتش مسالية

نور(من نيتو هادا اويلي اش كايخربق واش بغا يشوهني شنوووو قاليك راجليييييييي ويليييي ميييي ):سمح ليا أستاد دب نصوني عليك

 

زواج تقليدي

جزء ثالث

ماما مشات ؤ حنا دخلنا لبيت جلسنا و هوا يشوف فيا وقال مالكي كتبكي ؤ بدا كايضحك انا إستغربت منو و بقيت مصدومة ماعرفتش اش نقول،هوا يقول ليا انا سميتي هشام شوفي ابنت ناس انا نجيك من لخر بابا هوا لي ختارك انا مابغيتش نتزوج ؤمكنفكرش فيه 

نور:حتا انا والله ؤشنو لحل

هشام:كاينين جوج حلول ، لول نبداو ندبزوا ففترة لخطوبة باش إقولوا ماموافقينش ،لحل تاني نتزوجوا و من بعد عام نطلقوا

نور:لا لا لا لحل لول انا بنت و مجتمع ديالنا مكيرحمش إلا كنت مطلقة.

هشام:ؤك متافقين 

خرجنا ؤ بداو زغاريت مازال حتا مقلنا والو جلسنا و بدا عمي كايشكر فيا حتاش هوا كايجي عدنا عارفني مزيان و بدا كايشكر حتا فولدو. لمهم  داز داكشي زوين تعشينا مجموعين دحكنا و كولشي ناشط إلا لعريس عاقد غوبشتو مفهمت والوا فيه . انوصفوا ليكوم على مايخرجوا لبطل ديالنا كيما عرفتوا سميتو هشام فعمروا 25عام تزاد فبريطانيا كبر فيها و تخرج منها مهندس معماري باباه رجل اعمال . هوا طويل بزاف ؤ صحيح مزيآآآن كتافوا واي واي واي واي واي، ما سمر ما بيض عينيه رمادين فموا غ ديال احم احم احم لموهم كولوا مطراسي .

فلاش باك عند لبطل ديلنا ؛

لحوار بإنجليزية

هشام: بابا واش جبتيني ؤ خليت خدمتي باش تقول ليا اتزوج ؤ بشكون بوحدة مكنعرفش شكون هيا 

اب هشام:شوف مغديش نعود هضرتي نتا مغديش ترجع نتا اتبقا هنايا وغتزوج هاد ليام صافي سالينا

هشام: لا هيا لا انا ماغديش نجلس معاك ولا معا مرتك جديدة

اب هشام: إلا بغيتي تعرف مك فين كاينة دير داكشي لي كنقول ليك

خرج لبطل ديلنا و هوا جاعر من مكتب ديال باه 

بقلم لبطل ديالنا؛

خرجت مشيت لطونوبيل و كسيريت ماعرفتش فين غادي حتا خرجت من اغادير مشيت لواحد هوتيل على لبحر . دب انقول ليكم قصتي .

بابا جرا على ماما فاش كانت عندي 6سنين . و 8سنين هادي كان نقلب عليها ماعندي حتا فكرة فين تقد تكون و علاش سمحات فيا مني كانت غادة علاش خلتني معا هاد لحقير . الاب ديالي تزوج بواحد بائعة الهوى انا لولد لواحيد ليعندوا. دب خصني نتزوج باش نعرف مي معليناش ليوما انمشيو نخطبوا .

ناس الله إعمرها دار كبروا بينا مزيان ، مشيت انا ولبنت لبيت باش ندويو سميتها نور مني هزات ليها ماماها زيف كان وجها حمر باينا عليها كانت كاتبكي عرفتها حتا هيا مابغاتش تزوج و انا نضحك و انا ندوي معاها باش تهدن . 

عند نور 

مشاو ناس و جمعنا داكشي و ماما ماسكتاتش مدح دري بلجمال ديالوا

ماما: تفرجت حتى عيت فلموسلسلات و افلام امريكية و.....معمرني شت ولد بهاد لجمال استغفر الله موحال واش هادا انسان

نور:زتي فيه ا ماما والله 

ختي صغيرة جنات: داير ا ماما بحال هدووك العارضييين سعداتك اختي اتزوجي بيه و كاتقولي معندكش زهر وبآآآز

نور: انا غادا لبيتي نعس 

واخا ساكنين ف شقة غيير هيا من دوك شقق لكبار كل واحد ببيتو حنا تلتة ديال لخوت . من بعد تلات ايام صبح صباح ، جالسين مجموعين كان نفطروا و شي حد كاي يصوني على بابا و هوا يجاوب 

بابا:اهلا كيداير لاباس عليك كي صبحتوا حنا بيخير لحمد الله 

ماما كدوي بشوية:شكون

بابا:مراد(بابات هشام)

بابا: إيه اسي مراد واخا انا انقولها ليها بسلامة 

نور:اش كاين 

بابا:وجدي راسك مع 16 غادي تخرجي نتي و هشام 

نور:شنننوووو من نيتك ، واش داوي بصح 

بابا:قدي قدك باش نضحك معاك

ماما:يالاه فطري باش تعونيني فدار قبل ماتمشي 

نور:واحد كاي يشكي بلعقر واحد كاي يقولوي كيدايرين دراري

نخليو لبطلة ديالنا تعاون ماماها و تلبس و نرجعوا عندها 

عند لبطل ديالنا ؛دوزت يوماين فهاد لوطيل صفيت راسي مزيان و ليوما انرجع لاغادير 

رجعت دخلت لغرفة ديالي حيتاش انا جالس فلوطيل ماجلسش معاهم فدار.

ها تيليفون كاي صوني

مراد:وجد راسك اتخرج معا نور ليوما 

هشام:لا و انا نقطع عليه

ماكملاش 5دق جاني مساج من عندوا<< الا مشيتي ان نقول ليك كنيت ماماك وسميتها معا 16 طرقها من دار<<

   

زواج تقليدي

جزء تاني

وصل لوقت ماما كاتوجد و خوتي صغار فرحانين كايلبسوا ، بابا يالاه دخل ؤجايب معاه لحلوا و لخبز و داك تخربيق باش إيكون كولشي موجود ؤ علا حقو ؤ طريقو. مشيت عندو ؤ كان نطلب الله باش إقول ليا راه غي داحكين معاك و شادين فيك ابنتي .

بابا: تبارك الله علا بنتي لغزالة 

ماما:شكون ليقال اتكون بنتنا عروسة بهاد لجمال 

انا: بابا بصح انتزوج 

بابا: مازال مادرنا فطاجين مايتحرق إجييو ناس بعدا و نشوفو

انا: هيا بصح سخيتوا بيا ياك ا بابا ياك 

بابا:سيري لبيتك حتا نعيطوا عليك

ماما: يلاه سيري اش كاتسناي 

انا غادا لبيتي و عيني مبغاوش إوقفوا من دموع جا عندي خويا فعمروا 15 عام سميتو محمد.

محمد: كاينا شي عروسة كاتبكي 

انا: والله ة ماتخرج علييا حتا نود ليك 

محمد: متبكيش الخيبوعة غير إشوفك دري ايهرب راك مازال مطولا معانا هنايا غير رتاحي كاين لي كاتعجبوا شي وحدا غليظة غتهناي.

انا:ماشي على داكشي علاش كنبكي ، كنبكي حيتاش ماما و بابا سخاو بيا مازال ماشفت ماتشوفت ، من حكم ماما وبابا لحكم راجل ليماعمرني شتو ولا عرفتو إهئ إهئ اهئ اهئ.

محمد: ماتخافيش انا معاك مسحي وجهك ناس جاو انا غادي .

انا غسلت وجهي متصدموش ماكانديرش لمكياج وخا ليوما خصني نديرو مادرتوش زعما باش مانعجبهمش.

جلست كانتسنا زهري لعوج باش نمشي عندهوم.

ماما جات عندي 

ماما: نور موجودة يلاه ناس كاي تسناو فيك 

انا تابعاها من لور بحالا داخلا لجنازة و دموعي حبساهم غي بزز(انا بكاية من طراز رافيع تچولي سلام نبكي) اهههه حچا راني دايرة دا ك زيف علا وجهي كون ماهو معا عيني حمرين كون تشوهت 

لموهيم جلست حدا مسيو زعما ، إوا راكم عارفين داك تخربيق انا مكنتش معاهم فداك لعالم حتا كانسمع نور و نور نوووور قفزت ماما كاتعيط عليا و كاتغدد سيري نتي و هشام لبيت تدويو على خاطركوم .

مشينا لبيتي انا ليختاريت نمشيو لبيتي هيتاش جا فلقنت ماكاينش ليسمعنا علاش دوينا قبل ماندخلوا هزات ليا ماما داك زيف من وجهي باش إبان زعما و هيا تشوف وجهي حمر وعيني حمرين ؤبدات كاتحلف عليا بعينيها . 

زواج تقليدي

زواج تقليدي

جزء الأول

نووووووووووررر و نوووورر والله ؤمتنوضي حتى نجي نشتف عليك .

متخفوش هذي غي الام المغربية كتفيق بنتها من نعاس.

نور: واش منعسوش حتى فلعطلة آآآآوو 

ماما: ونودييي توكدي ناس جايين لعشية ؤنتي بقا ناعسا 

نور: اشمن ناس عاوتاني

ماما: اويلي علا لبنت نسات راسها 

نور: اشنو نسيت لاه يسمعنا خبار لخير هاد صباح

ماما: لخطاب ا بنتي لخطاب 

نور: علاه شكون غيتزوج 

ماما: نتي

نور: انا من نيتك ا ماما

ماما: لا من °°°°°

نور: اويلي سخيتو بيا دغيا 

ماما: ما سخينا بيك والو واش اتبقاي بايرا هنيا و لا شنو

نور: اويلي يالاه عندي 19عام 

ماما: بقاتي ليي 4 شهور و ديري 20 اشمن 19عام . شكون بحالك دري صغير ؤعلا مزينتوؤ يالاه تخرج ؤخدام برا ؤكايجي لمغريب باش اعاون باه فشريكة ديالو.

نور: ماما شتيه كيداير بعدا 

ماما: لا 

نور: ؤ بابا شفوا

ماما: لا 

نور: دب نتووما بحالا كاتشريو لحوت فلما . ؤعلاش بغيتو تزوجوني ياك حنا مامخسوسينش حامدين لاه ؤشكرينو .

ماما: نودي  نودي عاونيني و نتي ماكتقادايش مال زواج عيب راه لعيب هوا تبقاي بايرا هنايا.

نور: وا باقا صغيرا اعيباد الله.ياك كانقرا ؤ معمركم لقيتو شيحاجا عليا ؤ ليبغيتوها كانديرها  داخلا سوقي . ؤلا حيتاش داخلا سوق راسي. 

ماحسيتش براسي حتا جاتني واحد دقا بلوسادة لوجهي منعاودش ليكوم.

ماما: غسلي وجهك و تبعيني .

سمحوليا دخلتي عليكوم بهاد دخلة لمهيم انا سميتي نور كيما شتو عمري 19عام كانقرا فلعام تاني فلافاك دايرا فيزيك، انوصف ليكوم راسي بعدا ، ماطويلة ماقصيرة متروا وخمس و خمسين ، شعري طويل فايت ظهري ؤ مكريبي ؤ دبدوبا عيني عسليين  عندي لحناك هههه محنكا ؤ غمازات و خالة حدا فمي ؤ فمي غوزي . حنا ساكنين فأچادير فواحد شقة ، حالتنا مايسورا لحمدوا الله ماعدناش ماخصناش.

وصلات 4 دالعشية.

ماما: دخلي دوشي باش تمشي تسايبي راسك ؤ تقادي.

انا ؤساخطا:وخا بببفففف.